إزاي تعرفي إن البوتوكس أصلي؟

البوتوكس مادة بتتخفف بمياه قبل الحقن، وده بيخليه أسهل حاجة تتغش فيها: نفس العلبة ممكن تطلع 50 وحدة أو 150 "وحدة". دي الحاجات اللي تطلبي تشوفيها.

1. العلبة والهولوجرام

بوتوكس (Allergan)، ديسبورت، زيومين: كل واحد عليه هولوجرام وختم ورقم تشغيلة. العلبة بتتفتح قدامك، مش بتيجي مفتوحة من غرفة تانية.

2. التلاجة

البوتوكس بيتخزن في التلاجة من المصنع للعيادة. علبة سايبة على الترابيزة من الصبح أو جاية في شنطة من غير تبريد ضعفت.

3. التخفيف قدامك

الطبيب بيضيف محلول الملح للعلبة قدامك بكمية معروفة. لو السرنجة جاية جاهزة من بره، ماتعرفيش فيها كام وحدة.

4. الوحدات مكتوبة

في إنجكشن ستوديو عدد الوحدات لكل منطقة بيتكتب في ملفك، وبتقدري تشوفيه في التطبيق. "جرعة كاملة" من غير رقم مش إجابة.

5. المدة

بوتوكس أصلي بجرعة صح بيفضل من 3 لـ 4 شهور. لو بيروح بعد 5 أو 6 أسابيع كل مرة، غالبًا الجرعة كانت مخففة، مش جسمك "بيكسّره بسرعة".

أسئلة سريعة

الصفحة دي معلومات عامة مش نصيحة طبية؛ علاجك بيتحدد في استشارتك مع د. سارة الحموي.